买咗 MS Gundam Thunderbolt Decem

正文

问答一条,咩人先可任性?

一睇答案梗係有钱人啦!话说有位高达粉丝老友,模型、Figure、书刊、影碟都储齐,摆明有钱少爷一名,佢同巴顿讲刚入咗只《MS Gundam Thunderbolt December Sky》Blu-ray,有无兴趣去佢私人影院一齐「焚」机?小弟穷鬼一名,但好歹都係标準高达趸,于是一口应承,上礼拜同佢一齐帮只 Blu-ray 开光,其实未睇前都知呢套嘢係好嘢嚟,漫画评价高,相信动画亦有水準。

放只碟入 BD 机后,过晒开场标题,去到设定画面,巴顿同少爷老友都呆咗呆,因为音效只得 dts-HD MA 2.1,套动画连场激战却无 5.1,真係几失望!本来《MS Gundam Thunderbolt》只係打算作线上发行,即係放上 YouTube 等人免费睇,所以当时只製作了2.1声轨,及后因为甚获好评先剪辑成 BD 作零售版发行。不过日版 BD 有齐港式中文字幕,七十多分钟剧情同画面都超水準,当係一种补偿吧,呢套碟卖到成七百几八百,老友睇完后讲咗句:「其实都几抵睇吖!」唉,巴顿只能说︰「有钱真好!」


上一篇: 下一篇:

相关文章:

最近发表
内容甄选